Sunday, September 23, 2007


(“Beeni Raad Ma Leh”)


Ururka Dayaca Umadda Baahan (UDUB)

By A. Geeljire


Dubbe iyo Doolaal duqay weeye magaalo oo dalkooda ilaasha. Waa laba aan kala daalin dariiqna aan wada qaadin. Midba duubka wanaagga dushaasuu ku sitaa iyagaaba is doortay.Waa laba aan debec yeelan oon hadal diirkaba saarin deelqaafna wuu ka dhacaa. Haddana inay is dilaan iyo dudmana loogama yaabo. Waa niman aan dan ka yeelan dadka kay ku arkaan waxay diidan yihiin ee duunkoodu la yaabo derejo uu doono ha yeeshee, kay daafacayaanna inta daaqsinta geela looga soo durki maayo. Ruuxay diiraddoodu haleesho daguugahay ka dhigaan dembina loo qabsanmaayo oo duqoodi Dhanxiirbaa digreetadaa u saxeexay ducana waabu u raacshay. Bartay doodda jilba iyo foodda ay is daraanna waa Danlaawoow mafrishkooda oo ay qadadii dabadeeda iyo duhurka ay ku kulmaan.


Doolaal:Waaryee. Waxaa qaylisaan oo dimuquraadiyad ka hadashaanba sawdingka qabyaaladdii dib ugu noqday ee ergooyinkii beelaha ku qaybsaday.


Dubbe:Kee? Ma munaafaqaddii yarayd ee UDUB(Ururka Dayaca Umadda Baahaan) baad halkan ula soo shir tagtay adna?


Waar maanagaa qabyaalad wax ku qaybina mise idinka? Miyaydaan ahayn kuwii yidhi xukuumadda waxaannu u badinay si aanu beelaha u gaadhsiino? Ma shir baa qabsanayseen markaa? Miyaydaan ahayn kuwii doorashadii Wakiilada xisbiga keliya ee beelaha dib ugu celiyay xulista musharraxiinta? Miyaydaan ahayn kuwii yidhi Hargeysa Habar Yoonis iskama soo sharraxi karto aan Isaxaaq ahayni? Miyaydaan ahayn kuwa jagadii qof banneeyaba mid reerkooda ah oo Guulwade ah ku beddela? Miyaydaan ahayn kuwii Wakiilada ku yidhi beelo ayaa idin soo doortay oo meteshaan? Ma idinkaa maanta qabyaalad ka hadli kara?


Doolaal:Waar waxaa iska daayoo haddaa leediin xisbi baanu nahay xisbinimo ku shaqeeya.


Dubbe:Waar anaga taayada iska daayoo idinku war ma isu haysaan? Mise dacaayadiina yar ee bilaa maskaxda ah ayuumbaa rumaysataan? Waar runta sheega oo sida Fiinta ayaa ka sii qaylinaysaan ta idinku soo socota eh waxba been yar ha ku gabbanina.


Haddaan taadaba kuu raaco beelnimadu halkay ka maqantay nolosha dadkeenna? Wax kale iska daayoo majaasid ayaa qabyaalad loogu qaybiyay dadkeena?


Doolaal:Oo sidee loogu qaybiyay?


Dubbe:Masaajid cusub ayaa nin taddawuc ku dhisay markaasu nin wadaada imaam uga dhigay. Laba jilib oo kale oo reerkoodii ah ayaa ku qabsaday. Markaasaa labadii jilib laba nin oo ka mid ah midna Mu’addin laga dhigay kii kalena la yidhi marka salaadaa loo kacayo Aqiim oo dadkana istawuu ku dheh. Taasaad leeday adigoo cod ka doonaya maxaad beelo wax u siisay.


Doolaal:Waar waxaase hadal maahee dimuquraadiyad ayaa lagaa doonayaa ee ma haysaa mise ma haysid? Ma ku dhaqmaysaa mise ku dhaqmi maysid?


Dubbe:Horta adigu haba soo qaadin taa baan ku idhi. Mase maqashay ninka wadaadka ah ee uu meeshii ii wadaadka ka ahaa ugu yimi nin kale oo ka cilmi badani oo laakiin beel kale ka dhashay?


Markuu arkay in wadaadkan socotada ahi ka cilmi badan yahay ayuu tuuladii shir u qabtay wadaadkiina wuu u yeedhay. Wuxuu yidhi. “Bal ninka wadaadka ah isu kaaya dhegeysta.” “waar wadaadow kitaabkaagu Aal Cimraan ma sheegayaa?” “Haa.” buu yidhi. “Albaqara ma sheegayaa oo Lo’da ah?” “Haa” buu yidhi. “Alnisaa ma sheegayaa oo dumarka ah?” “Haa.” Buu yidhi. “ Haddaba beelyhaay kitaabkaa uu sito ninkaasi ee reeraha kale lagu sheegay ee Cimraan lagu sheegay ee lo’ lagu sheegay ee dumar lagu sheegay ee beesheenna aan lagu sheegin ragna aan lagu sheegin geelna aan lagu sheegin miyaa raalli ka tihiin inuu idiin akhriyo?” maya bay yidhaahdeen oo way ka dareereen. Halkii buu wadaadkii socotada ahaa kaga carrabay markii xitaa fursad uu tiisa ku sheego la siin waayay. Ninkalena waxa lagu yidhi. “waar xumaantan aad tolkaa ku raacayso iyo dulmigan aakhiro waa lagagu cadaabi ee iska daa.” Wuxuu yidhi. “adeer Janno aan tolkayba joogin maxaan ku falayaa.” Haddaba bahashu sidaasay inoogu marantay ee anagu gobollo ayaannu wax ku qaybinay ee idinkaa macnahan u duwaya. Qofka ama qoladiisaad ku sheegi kartaa ama xilkuu hayo. Anagu gobol iyo degmo ayaanu wax ku qaybinay ee haddaad adigu magacyo ula baxayso adigay ku jirtaa.


Doolaal:Anagu duwi maynee idinkaa “waxna qalanaya middiyahana qarsanaya.”


Dubbe:Waaryaa waaryaa waa ninka. Waar dee nimaan ku aqoon u sheekee. Wuxuu yidhi Duwane. “Ingriisi, France, Italyan ,Ereg Xayle Salaase, Cabdinaasir afkiisa, Indo China iyo Ruus intaasoo umada afkeedaaan akhriyaayoo, I read and write all news about you.” Iminka ma inaanan kuu war hayn baad moodday? Bal anagu shir iyo tartan baanu ku jirnaa idinku idin mee? Waxaa la yidhi nin meel Xabaalo oo dhulkaa gaalada ah maamule ka ahaan jiray oo meel kale uga wareegay ayaa la yidhi “ka warran shaqadan iyo taadii hore tee fiican.” Wuxuu yidhi. “tii hore ayaan jeclaa.” “waayo?” ayaa la weydiiyay. Wuxuu yidhi. “shaqadaydii hore 200 oo qof ayaa iga hooseeyey wax buuqana may lahayn.” Iminka Ina Rayaale gaalkaa kama duwana. Xabaalo ayuu Guddoomiye ka yahay. UDUB xabaalaha kama duwana.


Doolaal:Waar ma annaguu xabaalo nagu sheegayaa?


Dubbe:Oo haddaa maa hadashaan oo dal iyo dadba kharribye ka daa tidhaadaan? Mise Janno aan UDUB joogin waxba ku fali maysaan ee cadaabta ayaydin doorateen. Waar anagu xor baanu nahay kii doona ayaa intuu shir jaraa’id qabsado odhanayaa waan tartamayaa. Oo haddan odhanaya waan ka tanaasulay. Idinkuna nin lagu arko isagoo qof Kulmiye ah salaamaya ayaa shaqada ka eridaan.


Waar taa iska dhaafoo waa laydin yaqaanne odaygii Cabdi Guray ma runbaa wuxuu ku eryay Taliyihii jeelka Mandheera waxaad caddibi weyday nimanka Qaran ee xidhnaa? Ma taasaa haddana la timaaddeen?


Doolaal:Waar anagu cidna caddiba maanaan odhane ninkii shaqadiisa qabsan waaya waa la eryayaa? Miyaynaan dawlad ahayn?


Dubbe:Waar Suldaanku Booliskii hore ee siyaasadda ka madax banaanaa buu ahaaye siday wax ka noqdeen? Midda kale maa iska qirataan oo tidhaahdaan Xabashi baanu nimankan u haynaa oo ay u xidhan yihiin? Mise Xaalad abuurka ayaa idinka dhaba oo mushkilad doorashooyinka dib ugu dhigtaan baa doonaysaan?


Doolaal:Waar nimankan i dambi bay galeen oo cafis soo qorta baa loogu taag waayay.


Dubbe:Oo caffiska Ina Rayaale soo qoran waayay ee uu weliba Madaxweyne ku noqday ee uu iyaga ka doonayaa waa maxay? Wuxuu yidhi Huryo. “Wallee belo ayaa ke higle.” Wallee waxaa rabtaan inaydaan weli cid u sheegin.


Waa inoo toddobaadka dambe. Haddii Eebbe idmo.


A. Geeljire

4 comments:

Anonymous said...

[url=http://firgonbares.net/][img]http://firgonbares.net/img-add/euro2.jpg[/img][/url]
[b]free windows xp, [url=http://firgonbares.net/]store locater software[/url]
[url=http://firgonbares.net/][/url] cheap computer software to purchase the software
Adobe Acrobat Pro 8 [url=http://firgonbares.net/]open source educational software[/url] acdsee 10 photo manager
[url=http://firgonbares.net/]office 2007 enterprise crack[/url] buy software to make
[url=http://firgonbares.net/]college software shop[/url] cheap childrens software
microsoft office government discount [url=http://firgonbares.net/]adobe acrobat 9 pro serial numbers[/b]

Anonymous said...

[url=http://vonmertoes.net/][img]http://vonmertoes.net/img-add/euro2.jpg[/img][/url]
[b]educational software store, [url=http://vonmertoes.net/]need to purchase software[/url]
[url=http://vonmertoes.net/][/url] cheap educational software microsoft office 2007 enterprise blue edition
teacher discounts software [url=http://hopresovees.net/]software reseller new[/url] free autocad viewer
[url=http://bariossetos.net/]adobe creative suite 4 design[/url] Mac Readiris Pro 11
[url=http://vonmertoes.net/]coreldraw extend free trial registry[/url] buy software to hack
buy softwares online [url=http://vonmertoes.net/]cheap price for microsoft office[/b]

Anonymous said...

[B]NZBsRus.com[/B]
Dont Bother With Idle Downloads With NZB Files You Can Hastily Search Movies, PC Games, MP3s, Software & Download Them @ Fast Speeds

[URL=http://www.nzbsrus.com][B]Newsgroup[/B][/URL]

Anonymous said...

Infatuation casinos? verify this environmental [url=http://www.realcazinoz.com]casino[/url] advisor and personate evasively online casino games like slots, blackjack, roulette, baccarat and more at www.realcazinoz.com .
you can also about our up to the with it [url=http://freecasinogames2010.webs.com]casino[/url] cold-shoulder at http://freecasinogames2010.webs.com and fare proficiently in real mutation !
another stylishness [url=http://www.ttittancasino.com]casino spiele[/url] in the region of is www.ttittancasino.com , because german gamblers, array manumitted online casino bonus.